کراچی:- ( ) وزیر بلدیات سندھ و چیئرمین واٹر بورڈ سید ناصر حسین شاہ کی ہدایات پر اینٹی تھیفٹ سیل واٹر بورڈ نے کاروائی کرکے ضلع ملیر گڈاپ میں غیر قانونی پانی کے تالاب اور ٹینک مسمار کردیے۔
تفصیلات کے مطابق وزیر بلدیات سندھ و چیئرمین واٹر بورڈ سید ناصر حسین شاہ اور ایم ڈی واٹر بورڈ انجینئر اسداللہ خان کی ہدایات پر اینٹی تھیفٹ سیل واٹر بورڈ نے آپریشن کرکے ضلع ملیر گڈاپ میں غیر قانونی پانی کے تالاب اور ٹینک مسمار کردیے، آپریشن اینٹی تھیفٹ سیل انچارج واٹر بورڈ عبدالواحد شیخ کی سربراہی میں ہؤا، انچارج اینٹی تھیفٹ سیل کا کہنا تھا ملزمان غیر قانونی طریقے سے زیر زمین پانی تالاب اور ٹینک میں پانی جمع کرکے ضلع ملیر کا پانی چوری کرکے ٹینکروں کے ذریعے شہر کے مختلف علاقوں میں فروخت کرتے تھے وہ غیر قانونی پانی کے تالاب اور ٹینک مسمار کردیئے ہیں، انکا مزید کہنا تھا کہ کاروائی کے دوران پمپس، سیکڑوں فٹ پائپ اور ایک ملزم شاہد کو حراست میں لے کر متعلقہ گڈاپ تھانے میں ملوث ملزم کے خلاف پانی چوری کے نئے قانون کے تحت مقدمات درج کروا دیا گیا ہے، اس موقعے پر وزیر بلدیات سندھ سید ناصر حسین شاہ کا کہنا تھا کہ شہریوں کے حصے کا پانی چوری کرنے والوں کیخلاف آپریشن کا دائرہ مزید وسیع کرتے ہوئے انکو قانون کی گرفت میں لایا جائے، دوسری جانب ایم ڈی واٹر بورڈ انجینئر اسداللہ خان کا کہنا تھا کہ ملزمان کسی بھی رعایت کے مستحق نہیں، انہیں کیفر کردار تک پہنچانے کیلئے ان کے خلاف سخت قانونی کارروائی کی جائے گی۔
جاری کردہ:- عبدالقادر شیخ
پبلک ریلیشنز آفیسر
کراچی واٹر اینڈ سیوریج بورڈ
