کراچی:- ( ) وزیر بلدیات سندھ سید ناصر حسین شاہ کی ہدایات پر اینٹی تھیفٹ سیل واٹر بورڈ کی کاروائیاں جاری۔
کاروائی کے دوران ڈسٹرکٹ ویسٹ میں 5 اور ایسٹ میں 1 غیر قانونی ہائیڈرنٹس مسمار اور کئی غیر قانونی کنکشنز منقطع۔
تفصیلات کے مطابق وزیر بلدیات سندھ و چیئرمین واٹر بورڈ سید ناصر حسین شاہ اور ایم ڈی واٹر بورڈ انجینئر اسداللہ خان کی ہدایات پر اینٹی تھیفٹ سیل واٹر بورڈ نے کاروائیاں مزید تیز کردیں، اینٹی تھیفٹ سیل واٹر بورڈ نے آپریشن کرکے ڈسٹرکٹ ویسٹ میں 5 اور ڈسٹرکٹ ایسٹ میں 1 غیر قانونی ہائیڈرنٹس مسمار اور کئی غیر قانونی کنکشن منقطع کردیے، آپریشن انچارج اینٹی تھیفٹ سیل واٹر بورڈ عبدالواحد شیخ کی سربراہی میں ہؤا، انچارج اینٹی تھیفٹ سیل کا کہنا تھا کہ ملزمان ایوب گوٹھ میں واٹر بورڈ کی لائن سے 3 اور 4 انچ کے غیر قانونی کنکشنز اور بنگالی موڑ پر ایک غیر قانونی ہائیڈرنٹ جبکہ ڈسٹرکٹ ویسٹ کے پیرآباد، منگھو پیر اور اورنگی تھانہ کے حدود میں 5 غیر قانونی ہائیڈرنٹس کے ذریعے ڈسٹرکٹ ایسٹ اور ویسٹ کا پانی ٹینکروں کے ذریعے چوری کرکے سپر ہائی وے انڈسٹریل ایریاز اور شہر کے مختلف علاقوں میں فروخت کرتے تھے وہ غیر قانونی کنکشن منقطع جبکہ 6 ہائیڈرنٹس مسمار کردئیے گئے ہیں، انکا مزید کہنا تھا کہ کاروائی کے دوران 8 ٹینکرز، ہیوی پمپس، جنریٹرز اور سیکڑوں فٹ پائپ قبضہ میں لے کر متعلقہ تھانوں میں جمع کروا دیے ہیں، جبکہ ملوث ملزمان کے خلاف، سھراب گوٹھ، سائٹ انڈسٹریل ایریا، پیرآباد، منگھو پیر اور اورنگی تھانہ میں پانی چوری کے نئے قانون کے تحت مقدمات درج کروا دیئے گئے ہیں، اس موقعے پر وزیر بلدیات سندھ سید ناصر حسین شاہ کا کہنا تھا کہ شہریوں کے حصے کا پانی چوری کرنے والوں کیخلاف آپریشن کا دائرہ مزید وسیع کرتے ہوئے انکو قانون کی گرفت میں لایا جائے، دوسری جانب ایم ڈی واٹر بورڈ انجینئر اسداللہ خان کا کہنا تھا کہ ملزمان کسی بھی رعایت کے مستحق نہیں، انہیں کیفر کردار تک پہنچانے کیلئے ان کے خلاف سخت قانونی کارروائی کی جائے گی۔
