پریس ریلیز:-

کراچی:- ( ) وزیر بلدیات سندھ سید ناصر حسین شاہ کا نیشنل اسٹیڈیم میں ہونے والی پاکستان انگلینڈ ٹی ٹونٹی کرکٹ سیریز کے حوالے سے انتظامات مکمل کرنے کی ہدایات

ایم ڈی واٹر بورڈ کا نیشنل اسٹیڈیم میں فراہمی و نکاسی آب کے انتظامات کے حوالے افسران کو احکامات جاری

تفصیلات کے مطابق وزیر بلدیات سندھ و چیئرمین واٹر بورڈ سید ناصر حسین شاہ اور وائس چیئرمین واٹر بورڈ سید نجمی عالم کا نیشنل اسٹیڈیم کراچی میں ہونے والی پاکستان انگلینڈ ٹی ٹونٹی کرکٹ سیریز کے حوالے سے انتظامات مکمل کرنے کی ہدایات جاری کردی، اس ضمن میں ایم ڈی واٹر بورڈ محمد رفیق قریشی نے اعلیٰ حکام کو احکامات جاری کرتے ہوئے کہا کہ پاکستان انگلینڈ سیریز کے سلسلے میں نیشنل اسٹیڈیم اندر فراہمی و نکاسی آب کے تمام انتظامات فوری طور پر مکمل کئے جائیں، اور اسٹیڈیم کے اطراف شاہراہ فیصل، کارساز، کے ڈی اے اسکیم ون، نیو ٹاؤن، چاندنی چوک، آغا خان اسپتال، ڈالمیا، سوک سینٹر، گلشن اقبال بلاک 14 اردو سائنس کالج، نیپا سمیت دیگر علاقوں میں فراہمی و نکاسی آب کے نظام پر کڑی نگاہ رکھی جائے جبکہ ان علاقوں میں فراہمی و نکاسی آب کی لائنوں میں موجود لیکیجز کا فوری طور پر خاتمے کے لئے موثر اقدامات کئے جائیں، دوسری جانب ایم ڈی واٹر بورڈ کے احکامات پر عملدرآمد کرتے ہوئے انچارج ہائیڈرنٹ سیل محمد اعظم خان اور فوکل پرسن ہائیڈرنٹ سیل شہباز بشیر نے جنرل مینیجر پی۔سی۔بی ارشد خان سے ملاقات کرکے انہیں واٹر بورڈ کی جانب سے تمام انتظامات مکمل کرنے کی یقین دھانی کراتے ہوئے کہا کہ سیریز سے قبل نیشنل اسٹیڈیم میں بلا معاوضہ واٹر ٹینکرز فراہم کیے جائیں گے جبکہ اسٹیڈیم کے اندر پانی سے بھرے متعدد ٹینکرز، سیور کلینگ، جیٹنگ و سیکشن اور راڈنگ مشینیں موجود رہینگی تاکہ کسی بھی قسم کی شکایات کا فوری طور پر ازالہ کیا جا سکے اس کے علاؤہ واٹر بورڈ عملہ کسی بھی صورتحال سے نمٹنے کے لئے اسٹیڈیم میں موجود ہوگا، اس موقعے پر ایم ڈی واٹر بورڈ کا مزید کہنا تھا کہ کراچی میں پاکستان انگلینڈ کے درمیان ٹی ٹونٹی سیریز کا انعقاد کراچی کے لئے اعزاز کی بات ہے اس لئے واٹر بورڈ پی۔سی۔بی سمیت تمام متعلقہ اداروں کے ساتھ مل کر اسکی کامیابی کے لیے اپنا بھرپور کردار ادا کریگا۔

جاری کردہ:- عبدالقادر شیخ

پبلک ریلیشنز آفیسر

کراچی واٹر اینڈ سیوریج بورڊ