راچی:- ( ) واٹر بورڈ حکام سے جے۔یو۔آئی وفد کی ملاقات
شیر شاہ ڈسٹرکٹ کیماڑی میں فراہمی و نکاسی آب مسائل متعلق تفصیلی تبادلہ خیال
وزیر بلدیات سندھ کی ہدایات پر واٹر بورڈ فراہمی و نکاسی آب سے متعلق مسائل ترجیحی بنیادوں پر حل کر رہا ہے۔ ڈی ایم ڈی ٹی ایس واٹر بورڈ
تفصیلات کے مطابق ڈی ایم ڈی ٹی ایس واٹر بورڈ محمد ایوب شیخ سے جے۔یو۔آئی رہنما قاری محمد عثمان کی قیادت میں آنے والے وفد نے ایم ڈی سیکرٹریٹ کارساز میں ملاقات کرکے شیر شاہ ڈسٹرکٹ کیماڑی میں درپیش فراہمی آب کے مختلف مسائل سے آگاہ کرتے ہوئے کہا کہ تمام مسائل کے حل کیلئے مؤثر اقدامات کیے جائیں، ڈی ایم ڈی ٹی ایس واٹر بورڈ نے جے۔یو۔آئی رہنما کو ملاقات دوران پیش کردہ فراہمی و نکاسی آب سے متعلق تمام شکایات کے فوری حل کی یقین دہانی کراتے ہوئے متعلقہ افسران کو موقع پر ہی احکامات جاری کرتے ہوئے پابند کیا کہ جے۔یو۔آئی رہنما قاری محمد عثمان کی قیادت میں آنے والے وفد کی جانب سے پیش کردہ مسائل سمیت شھر بھر میں فراہمی و نکاسی آب کے تمام مسائل ترجیحی بنیادوں پر حل کرکے شہریوں کو بہتر سہولیات فراہم کی جائیں، ڈی ایم ڈی ٹی ایس واٹر بورڈ نے وفد کی جانب سے پیش کردہ مطالبات کے سلسلے میں یقین دھانی کراتے ہوئے کہا کہ شیر شاہ کالونی کو پانی کی فراہمی کا کام جلد از جلد شروع کردیا جائے گا، پراچہ پمپ کی گلی میں لگے کنکشن، پراچہ پمپ کے ساتھ بلدیہ کو جانے والی لائن کو چیک کرنے کے لیے مشترکہ دورہ کیا جائے گا، انہوں نے متعلقہ افسران کو احکامات جاری کرتے ہوئے کہا کہ تمام غیر قانونی کنکشن فوری طور پر منقطع کیے جائیں، ڈی ایم ڈی واٹر بورڈ نے وفد کو مزید کہا کہ برساتی پانی کی نکاسی واٹر بورڈ کے زمرے میں نہیں آتا جبکہ ڈی ایم سی اور کے ایم سی کے زمرے میں آتا ہے اس لئے برساتی پانی کی نکاسی کے لئے متعلقہ اداروں سے رجوع کیا جائے، انکا مزید کہنا تھا کہ وزیر بلدیات سندھ سید ناصر حسین شاہ کی ہدایات پر واٹر بورڈ فراہمی و نکاسی آب سے متعلق مسائل ترجیحی بنیادوں پر حل کر رہا ہے، اجلاس کے موقعے پر چیف انجینئر بلک سکندر زرداری، چیف انجینئر سیوریج آفتاب عالم چانڈیو، امیر جے۔یو۔آئی شیر شاہ مولانا عظیم اللہ عثمان، سپرینٹنڈنٹ انجینئر غلام محمد حب، سپرینٹنڈنٹ انجینئر تنویر شیخ سمیت دیگر اعلیٰ حکام شریک تھے۔
جاری کردہ:- عبدالقادر شیخ
پبلک ریلیشنز آفیسر
کراچی واٹر اینڈ سیوریج بورڈ
